Yasir A. Irzooqi

كل يوم بهذا التحدي دا احاول اقرا عدد معين من الكتاب C How to program وافهم الكونسبتس(المصطلحات الموجودة بالكتاب والاشياء المرتبطة بيها.) وهدفي من بداية التحدي جانت انه اكمل الكتاب بنهاية ال29 يوم واقدر افهم البرمجة بشكل افضل حتى اطور نفسي بيها واتعمق بالمجال بعدين. التحدي هذا فادني هواي انه مو بس اضوج لمن ما اكمل التاسك, او افشل, وانما الضوجه الاكبر دتصير انه اكو ناس دتراقب ومنتظره مني نتائج وفشلي هذا هالمرة راح يبين اكثر, الي وللأخرين ايضاً, فبالتالي مهما فشلت وردت ابطل وشفت نفسي واكف بمكاني, اني اكو ناس ورايه دتشوف تقدمي اللي توقف ومكمل, وآني وعدت بتقدم مهما تاخرت, ولهذا لازم اكمل لسببين الأول انه اني اعرف انه داتقدم وتقدمي مديبين لأنه دابدي من مرحلة سيئة مو لأن اني مداحاول, الشي الثاني انه اني راح ابدو شخص غير جدي وغير باذل لأي مجهود بالتحدي اذا توقفت بدون ماشوف اللي ديقرا انه اني مع ان تقدمي ديبين بطيء من خلال عدد الاوراق, لكن المقياس الحقيقي هو اني مو الاوراق. مع انه الاحباطات هواي والمشاكل تظهر دائما, لكن دا اتعلم انه اتعامل وياها بشكل منفرد وانه اكو تاسك عليه لازم اسويه مهما يكو...

دا انحبط كلش لأنه مداكدر انضم نومي, صار عندي امتحان وبقيت كاعد للصبح وهذا اليوم الثاني بعد الامتحان ونومي تخربط اكثر مما جان متخربط لكن باجر راح اكعد من الصبح واطلع حتلو مكدرت انام.

هو التحدي صار مو مجرد قراءة كتاب او تعلم برمجة، وانما قراءة كتاب وتعلم برمجة ويا المشاكل الموجودة بحياتي ومحاولة حلها تدريجيا وويا الاكتئاب العندي، (ولهذا الشي الداسوي والداستفاد منه انه داحاول اقرا الكتاب واسترجع my study skills تدريجياً.. ودااعرف اتعامل ويا الاكتئاب اكثر(ولو تحسن بسيط)... وأحسّن من اكلي ونمط حياتي... وطريقة تفكيري), لأن اصلاً لوحياتي طبيعية فمچنت راح اسوي تحدي انه اقرا كتاب وچان سويت شي اصعب؛ لأنه اعتقد هذا شي طبيعي المفروض كل الناس يسووه بحياتهم اليومية، ولهذا هو التحدي مصار محدد بساعات، وانما اليوم مالتي هو كله عبارة عن التحدي هذا، اكبر انجاز حققته هو انه رجعت قليلاً من مهارات القراءة عندي، واستذكرت ايام ما چنت اقرا مواضيع اصعب واعقد من هيچ كتاب, نسبة لعمري آنذاك, بس لأنه چنت استمتع بيها مچانت صعبة علية هواي، بينما هسه احس كلشي وابسط شي صعب عليه! والاكتئاب ديصعب الأمور عليه ويشوه تفكيري كله! [وهذا شي شي ادركته خلال هال٣ ايام الراحت]; وبالإضافة لهذا, اسم الموضوع والهاله العليه چان يخوفني وميخليني اتقدم بسرعة بالقراءة وهذا الشي ايضا چان يصير سابقا وياي لكن بشكل اق...

 اوك اليوم هو اليوم الثاني بعد ال10 ايام, ادري انته هسه عزيزي القارئ كاعد دتضحك, ودتكول شنو هذا الMطي اللي وصل 3 صفحات باليوم اكيد مديبذل جهد كفاية! اوك اني وياك 3 صفحات باليوم مو شيء معتبر, وشي تافه, ويمكن اقل واحد انسان عادي ممكن يكدر يقرا 40 صفحة باليوم- اني جنت اكدر اقرا اكثر بهواي- لكن خلي ببالك انه اكو عوائق نفسية, مكانية, وبالاضافة لهذا انه ال3 صفحات هاي مو معناها انه اني طول اليوم دا اقرا بنفس هذني ال3 صفحات, لاحبيبي. العوائق هي اولاً الكتاب انكليزي ويحتوي مصطلحات تقنية وكلمات اني مشايفها سابقا ف اروح ابحث عنها واحاول افهم المعنى الحقيقي مالتها, وايضاً ابحث عن الكلمات والمصطلحات الجديدة اللي تطلع وتفسر هذا المعنى,  وايضاً اتعلم كتابتها ولفظها, وبعدين ابحث عن فلان مؤسسسة مذكورة بالصفحة هاي واروح اقرا عنها وهم اترجم كلشي داقراه وانتبه للspelling... وبعدين تجيني افكار او اشياء اني ناسيها واروح ابحث عنها والخ, وبما انو اني معايش ويا اجانب ولا حاجي ويا اجانب الا نادرا واكثرها كانت دردشة كتابية وبمصطلحات عامة, واني المصطلحات المهمة احس انه لازم افهمها كلش, ف ابقه احاول افهمه...

هدفي من المشاركة هو حتى التزم بشيء واكمله للأخير وازيد من تركيزي واقلل من اكتئابي.  من اكمل هذا الكتاب اني راح اكون متعلم عدة اشياء, اولها زيادة تركيزي عالشي الداسوي وإكماله (عندي مشكلة بهالخصوص). وثانياً, تطوير لغتي الانكليزية (كثير مصطلحات مااعرفها وداترجم هواي). وثالثاً, المنحة كانت حافز كبير لأنها ممكن تساعدني احسن من صحتي النفسية... دا اطور واسترجع مهارات القراءة عندي لأن عندي مشكلة تطورت وهي انه مااكدر اركز واكمل كتاب او شيء مهما كنت مهتم به.  خلال هالفترة الراحت اني طورت مهارات القراءة عندي, مع انه شيء بسيط جداً, لكنه كبير بالنسبة الي- اذا استمريت بي- لأن اني دا اتعب كلش هواي حتى اركز, واقيس الوقت, واعرف كم صفحة دا اقرا بهالوقت المعين وداحسنه رغم شعوري بالاحباط من تقدمي البطيء! داواجه صعوبة انه اركز ومااتذكر شي او احساس سيء او اي شيء ثاني يشتتني اثناء القراءة, بس حتلو ما اجتني فكرة او سويت غير شي فتركيزي ديكون صعب لأنه دتصير عندي حالة انه اركز كلش زايد بالشي الداسوي بغاية افهمه زايد ف انسه الموضوع الاصلي وابقه ابحوش بالنت عن اشياء فرعية, وهذي حالة قهرية داكتشفها واحاول ...