ثالث تقرير 7 June

هو التحدي صار مو مجرد قراءة كتاب او تعلم برمجة، وانما قراءة كتاب وتعلم برمجة ويا المشاكل الموجودة بحياتي ومحاولة حلها تدريجيا وويا الاكتئاب العندي، (ولهذا الشي الداسوي والداستفاد منه انه داحاول اقرا الكتاب واسترجع my study skills تدريجياً.. ودااعرف اتعامل ويا الاكتئاب اكثر(ولو تحسن بسيط)... وأحسّن من اكلي ونمط حياتي... وطريقة تفكيري),

لأن اصلاً لوحياتي طبيعية فمچنت راح اسوي تحدي انه اقرا كتاب وچان سويت شي اصعب؛ لأنه اعتقد هذا شي طبيعي المفروض كل الناس يسووه بحياتهم اليومية، ولهذا هو التحدي مصار محدد بساعات، وانما اليوم مالتي هو كله عبارة عن التحدي هذا، اكبر انجاز حققته هو انه رجعت قليلاً من مهارات القراءة عندي، واستذكرت ايام ما چنت اقرا مواضيع اصعب واعقد من هيچ كتاب, نسبة لعمري آنذاك, بس لأنه چنت استمتع بيها مچانت صعبة علية هواي، بينما هسه احس كلشي وابسط شي صعب عليه! والاكتئاب ديصعب الأمور عليه ويشوه تفكيري كله! [وهذا شي شي ادركته خلال هال٣ ايام الراحت]; وبالإضافة لهذا, اسم الموضوع والهاله العليه چان يخوفني وميخليني اتقدم بسرعة بالقراءة وهذا الشي ايضا چان يصير سابقا وياي لكن بشكل اقل لأن المواضيع الچنت اتعامل وياها اولا مطروقة اكثر، وثانيا اكتئابي جان اقل وچانت اكو اشياء تدعمني وچنت اسوي عدة اشياء استمتع بيها وبصعوبتها؛

وبالتالي أكبر انجازات ساعدني هالتحدي بيهن انه : ١- رجعت شوية واستذكرت شلون چنت اركز و اقرا قبل وشلون صرت هسه كأنو انسان مداخل مدرسة بحياته وفقدت كلشي اتعلمته ولا كأنه چنت بمدرسة مال متميزين من جنت صغير. ٢- حسنت شوية من نظام اكلي وساعدني هالشي احسن واسترجع مهارات تفكير عندي. وديساعدني التحدي اخلي الاكتئاب شي طبيعي بحياتي لأنه جزء مني فداستذكر انه آني من وآني صغير چنت مكتئب بس چانت اشياء مختلفه اتغلب بيها عليه وچان تفكيري وانتاجي للافكار احسن بهواي من هسه وانه لازم عالأقل ارجع لهذاك المستوى وابدي أزيده، وربما آني في الطريق لهذا الشيء. ٣- اكتشفت الاكتئاب ديصعب الأمور عليه ويشوه تفكيري كله ولهذا مداكدر اسوي اي شي! [هذا شي شي اكتشفته او بالأحرى ادركته بشكل كامل خلال هال٣ ايام الراحت! مبروك!]. ٤- دائما اگدر اسوي شي أحسن. ٥- تصغير المشاكل وخاصة كتابتها بورق صغير كملاحظات يساعد بحلها والتفكير بيها بشكل ابسط وراح تطلع حلول وأفكار ابسط (هذا الشي جنت اسوي من قبل لكن استذكرته هالفترة). مبروك عليك الجريده عزيزي القارئ، وشكرا لقرائتك النص هههه. لتخاف بعد ماعيدها

اشياء استخدمتها:

Translate.google.com (translator) -1 Merriam-Webster.com (dictionary) -2 C how to program(book) -3 4- Google search & wikipedia.org for searching for the Names, Institutions, Companies..etc mentioned in the book and reading about them. Timer app in Windows 10. -5 Timer app in Android OS -6 7- Pumodoro technique (I don't use it regularly recently because it sometimes effects me negatively، so I modify it as needed or don't use it sometimes).

المشاكل الـعانيت منها... عانيت من مشاكل في النوم تأخر وتخربط كل الخطط وتبدد كل طاقتي. مهما كنت احاول انظم كلشي واخلي جدول لكلشي اگدرله. وايضا بعض الإلتزامات الاخرى اللي لازم اسويها مثل طبخ وتنظيف والسوشل ميديا ايضا تأخذ الكثير من الوقت وتشتت انتباهي وبنفس الوقت مااگدر اطفي النت بشكل نهائي لان احتاج ابحث عن شي او ارسل رسالة وهذا يجيب الاشعارات اللي تشتتني وايضا تسرق من طاقتي وتدخلني بمواضيع اخرى ثانوية ومالها دخل بالشي او الاشياء الاريد اسويها...

شي ممكن يساعدني اكمل المهمة...

دولمة 🤷‍♂️😂. صدك دافكر ومااجه ببالي غير شي بس هي الدولمة الصبح طيبة خاصة اذا باردة وحامضة واني داكتب الصبح ساعة 6:33 ف اذكرت قبل فترة اكلت دولمة بهيچ وقت(تقريباً) وصدگ مدري شلون وخرت الكآبة مني وقتياً كأنو وصفه سحرية. بس چانت متروسه دبس الرمان😅🤣🤣

شكراً :)